“I gatshëm të ofrojë ndihmën e shtetit shqiptar”, Fatmir Limaj zbardh detajet nga takimi me Ramën

Kryetari i Nismës Socialdemokrate, Fatmir Limaj, ka zbuluar detaje nga takimi me kryeministrin Rama, ku kanë biseduar për zhvillimet më të fundit në Kosovë.

Ai ka apeluar ndaj krerëve të institucioneve në Kosovë që të tregojnë lidership të vërtetë, në këto rrethana në të cilat po kalon vendi.

Ndër të tjera ai ka marrë aprovimin nga Rama, i cili është shprehur i gatshëm për të ofruar ndihmën e shtetit shqiptar, në çdo proces në të cilat mund të kalojë Kosova.

Njoftimi

Sot patëm kënaqësinë të mirëpresim në selinë e Nismës Socialdemokrate, kryeministrin e Republikës së Shqipërisë, z. Edi Rama, me bashkëpunëtorë, me të cilin diskutuam për zhvillimet aktuale, me theks të veçantë për mundësinë e koordinimit të veprimeve që duhet ndërmarrim si spektër politik në Kosovë pas situatës së krijuar në vendin tonë.

Bashkërisht konstatuam se drejtuesit e institucioneve në Kosovë duhet të tregojnë̈ lidership të vërtetë në këto rrethana në të cilat po kalon vendi. Është përgjegjësi e udhëheqësve të forcave politike dhe institucioneve shtetërorë të Kosovës që t’i lemë anash dallimet dhe të veprojmë me gjakftohtësi të madhe në interes të vendit.

Kosova nuk guxon të humbas orientimin e saj dhe duhet t’i përgjigjemi me kujdes situatës, si dhe në të njëjtën kohë jam i bindur se ne do të dalim me të fortë nga kjo situatë.

Kryeministri Rama u shpreh i gatshëm që të ofroi gjithë ndihmën e shtetit shqiptar në çdo proces nëpër të cilat mund të kaloj Kosova.

Tags: Fatmir Limaj kosove rama