Lirohet nga burgu ish-Drejtori i Agjencisë së Mirëqenies dhe Kujdesit Social, Armand Mamani, në Gjirokastër, i cili u arrestua një ditë më parë pasi u akuzua për ‘shpërdorim detyre’.
Sot është lënë i lirë me ‘detyrim paraqitje’ nga Gjykata e Gjirokastrës.
Mamani akuzohet se ka favorizuar një biznes privat të familjes së tij, duke konsumuar energjinë elektrike nga Agjencia e Shërbimit Social në Gjirokastër. Në mbrojtje të tij reagoi dhe ish-deputeti i LSI-së Vangjel Tavo, i cili e konsideroi ndalimin e Armand Mamanit si “prapavijë politike’’ nga qeveria socialiste.
