Aleksandër Llanaj, një nga përgjegjësit e “Masakrës së Çoles” është një nga tre personat e vënë nën shënjestër sot nga OFL.
Llanaj është i dënuar për veprën penale “Vrasje kundër dy ose më shumë personave”. “Masakra e Çoles” u regjistrua në prill të vitit 2015, ku pas një sherri në kazino mbetën të vrarë shtetasit Albi Limaj, Haki Rakipi dhe Ardi Velaj.
Policia në atë kohë arrestoi si autorë të kësaj masakre shtetasit Aleksandër Llanaj, Ani Begaj dhe Bertil Aliaj.
Gjykata dënoi me burgim të përjetshëm Llanajn, ndërsa 2 autorët tjerë u dënuan me nga 35 vjet burg në mungesë.
