Një 44-vjeçar është vënë në pranga, pasi ishte shpallur në kërkim ndërkombëtar nga Italia, për disa vepra penale.
Ai është dënuar me 6 vjet e 8 muaj burg nga Gjykata e Apelit të Torinons, në vitin 2010, dhe përdorte 4 emra.
”U bë kapja dhe arrestimi provizor me qëllim ekstradimi në Itali, i shtetasit shqiptar: Jorgo Wojtaszcyk alias Gramoz Zeneli alias Jorgo Zeneli alias Jan Zeneli, 44 vjeç. Ky shtetas ishte shpallur në kërkim ndërkombëtar nga Interpol Roma, më datë 14.09.2020, pasi Gjykata e Apelit Torinos, Itali, në vitin 2010, e ka dënuar me 6 vjet e 8 muaj burg, për veprat penale “Organizatë kriminale” dhe “Trafik i lëndëve narkotike”, parashikuar nga Kodi Penal italian’’ informon policia.
Operacioni u finalizua nga Drejtoria Vendore e Policisë Elbasan në bashkëpunim me Interpol Tirana.
Interpol Tirana, në bashkëpunim me Interpol Romën po vijojnë veprimet për ekstradimin e këtij shtetasi drejt Italisë.
