Mjeku i njohur Dhimitër Kraja, i njohur nga të gjithë si “doktor Luli”, u rikthye nga pensioni për të shërbyer krah kolegëve të tij te Infektivi. Ai ndodhej në front të parë të betejës me koronavirusit.
Por fatkeqësisht, pas disa ditësh punë, ai u infektua. Pavarësisht se kishte dalë prej vitesh në pension, ai e ndjeu si detyrë morale që të kthehej në punë.
Djali i tij, DJ i njohur Vik Kraja, duke marrë shembull nga i ati, u kërkon të gjithë shqiptarëve që të respektojnë rregullat e karantinës, në mënyrë që sakrifica e mjekëve të vlejë.
“Shumë fjalë të ngrohta dhe urime…por nëse doni që unë dhe familja ime të ndihemi më mirë dhe të lehtësuar, ju lutemi të ndiqni këshillat dhe mos thyeni rregullat e karantinës. Bëjeni të vlej çdo sakrificë e atyre atje”, shkruan ai në një postim në Instagram.
