Deputetja e Partisë Socialiste, Vasilika Hysi është përplasur me tone të ashpra me ish-deputeten demokrate Albana Vokshi, teksa ndodheshin Qytetin Studenti në kryeqytet.
Në një moment, Hysi i kërkoi Vokshit që të mos përpiqet për të bërë politikë në këto ditë të vështira. Kjo deklaratë ka sjellë edhe reagimin e Vokshit, e cila nuk hezitoi t’i kundërpërgjigjet me ironi.
Kjo situatë u krijua pasi banorët që jetojnë me qira vjetore në godinën nr.15 në Qytet Studenti nuk kanë pranuar të dalin nga shtëpitë, pavarësisht shpalljes së banesave të tyre të pabanueshme.
Debati mes Albana Vokshit dhe Vasilika Hysit:
Vasilika Hysi: Ik po të duash shko bëj politikë.
Albana Vokshi: Po lëre politikën ooo…
Vasilika Hysi: Unë kam 4 ditë në Thumanë e ti ke qenë duke fjet…
Albana Vokshi: Jo, jo. Ku e di ti? Më ke majt ti mu ee? Ouu, paskam qenë unë duke fjet… Ku e ke ti Thumanën mi? Të të vijë turp ty që përmend Thumanën se ka edhe viktima. Aktin e ekspertimit ju lutem na e jepni për banorët.
Drejtoresha: Hajde shikoje.
Albana Vokshi: Jo, jo. Na e jep. Tani na e jep.
Banori: Po lëre tani mos bo politikë me hallet e këtyre..
Albana Vokshi: Mua mos mu drejto fare. Ku e ke politikën ti? Hajde me mua…
