Largimi i Elseid Hysajt nga Napoli këtë verë është bërë një fakt i kryer nga vet agjenti i shkodranit, Mario Xhiufredi, i cili në media ka pohuar se po punon të gjejë destinacionin më të përshtatshëm për mbrojtësin 27-vjeçar.
Në ndjekje të Hysaj janë vendosur shumë ekipe të Serisë A, ndër to Lacio dhe Roma, por si duket Milani po punon në heshtje që të sigurojë shërbimet e mbrojtësit të krahut.
Sipas ekspertit të merkatos, Alfredo Pedulla, Milani nuk do ta blejë përfundimisht Diogo Dalot nga Mançester Junajtid, pasi çmimi i tij është i lartë, rreth 20 milion euro, dhe për këtë arsye është vënë në ndjekje të Hysajt.
Aktualisht për tu diskutuar është rroga e 27 vjeçarit, i cili pretendon 3 milion euro në sezon ndërsa Milani ka menduar të përfshijë bonuse në marrëveshje që t’i plotësojë dëshirat e mbrojtësit të Kombëtares shqiptare. Pritet që akordi pritet të arrihet për 2.5 milion euro + bonuset.
