CIES Football Observatory, ka bërë një studim për të vlerësuar futbollistët. Ata përdorin një algoritëm për të llogaritur vlerat e tregut nga roli që kanë në fushë. Kylian Mbappe është lojtari më i çmuar në botë. Sulmuesi i datëlindjes 1998, që luan me PSG, është i pari në rolin e tij si sulmues dhe në terma absolutë ka një vlerë të parashikuar prej 216.5 milionë euro. Duke lënë pas emra të mëdhenj si Messi, Nymar dhe Ronaldo.
Sipas studimit në ‘Top 10’ e mbrojtësve të krahut më të vlefshëm bën pjesë edhe Elseid Hysaj. Futbollisti i kombëtares shqiptari është i gjashti në listë dhe kap një vlerë më të madhe se 50 milionë euro.
Bie në sy fakti që Hysaj lë pas në këtë renditje kampionin e botës, Hernandez, i cili aktivizohet tek Atletico Madrid. Po ashtu edhe atë të Arsenal, Hector Bellerin, ndërsa lista mbyllet nga i riu i Real Madrid, Odriozola.
