Një grup tifozësh futbolli ka hyrë brenda në ndërtesën e një radioje në Sarajevë ditën e djeshme dhe kërcënuan stafin, duke i detyruar ata që të heqin një lajm.
Sipas njoftimit të policisë, dy persona kanë rënë në pranga, pasi akuzohen për kërcënim të gazetarëve të Radio Sarajevës, redaktorëve dhe familjarëve të tyre.
Irritimi i grupit të tifozëve lidhet me publikimin e një lajmi, se një nga tifozët klubit futbollistik Sarajeva, do të përballet me pesë vjet burgim në Bjellorusi, për shkak se i ishte gjetur substancë narkotike, e llojit kokainë.
Sakaq, media në fjalë deklaroi se pas kërcënimeve me vdekje, redaktori është detyruar që ta heqë lajmin.
