Dy shqiptarë kanë rënë në prangat e policisë italiane, pasi akuzohen për grabitje të dhunshme dhe rezistencë ndaj policisë.
Sipas mediave vendase, ata hynë në një dyqan bizhuterish dhe morën një palë syze dielli nga një dritare e dyqanit, ndërsa tentuan të ikin pa paguar.
Fillimisht, shqiptarët u vunë re nga pronari i dyqanit. Mirëpo u larguan duke e kërcënuar të zotin e dyqanit me një shishe të thyer.
Po ashtu, shqiptarët kanë ushtruar dhunë edhe ndaj policëve, të cilët i kanë ndjekur menjëherë, por janë përballur me rezistencën e tyre në momentin e ndalimit.
Të arrestuarit u dërguan në burgun “Casetti”.
