Franca dhe Hungaria e kanë mbyllur në paqe sfidën e sotme, pasi nuk kanë shkuar më shumë se barazimi 1-1.
Hungarezët kaluan të parët në avantazh, në fund të minutave shtesë, të pjesës së parë, me anë të Fiola-s pas një aksioni perfekt individual. Pas një topi të marrë në të majtë, ai u fut bukur në zonë dhe shënoi, duke kaluar skuadrën e tij në epërsi.
Ndërkohë, pak minuta para golit të Hungarisë, Franca shpërdoroi një rast të artë. Benzema i vetëm përballë portierit në minutën e 31-të, e ka dërguar topin jashtë në mënyrë të pabesueshme.
Megjithatë, në minutën e 65të Franca ktheu baraspeshën. Një goditje dënimi e rrezikshme për hungarezët, solli golin e francezëve. Autori i golit ishte Grizman, i cili përfitoi nga një gafë në mbrojtje.
Standings provided by SofaScore LiveScore
