Presidenti amerikan Donald Trump ka shkarkuar nga detyra Chris Krebs, drejtorin e Agjencisë së Sigurisë Kibernetike dhe Infrastrukturës, i cili kundërshtoi Trumpin për pretendimin e manipulimeve gjatë zgjedhjeve presidenciale të 3 nëntorit.
Vendimin për shkarkimin e Krebsit Trumpi e mori në 17 nëntor me argumentin se zgjedhja që Krebs dhe agjensia e tij bënë për të siguruar zgjedhje të pamanipulueshme ishte ‘e pasaktë’.
Kujtojmë se menjëherë pas zgjedhjeve të 3 nëntorit, Trump deklaroi se dyshon se mund të ketë pasur manipulime të votave me postë.
Pak ditë më aprë agjensia e drejtuar nga Krebs, në një dekalratë zyrtare tha se zgjedhjet 2020 ishin “më të sigurtat në historinë amerikane”.
Menjëherë pas shkarkimit të tij nga detyra, Krebs shkroi në Twitter se ndihet i nderuar që i ka shërbyer vendit. “Ne e bëmë punën si duhet,” shtoi ai.
“Deklarata e fundit nga Chris Krebs mbi sigurinë e Zgjedhjeve 2020 ishte shumë e pasaktë, pasi kishte mashtrime, përfshirë personat e vdekur që votonin, Vëzhguesit e Sondazhit nuk lejoheshin në vendet e votimit, “gabime” në makineritë e votimit të cilat ndryshuan vota nga Trump te Biden, votim i vonuar dhe shumë më tepër. Prandaj, menjëherë, Chris Krebs është shkarkuar si Drejtor i Agjencisë së Sigurisë Kibernetike dhe Agjencisë së Sigurisë së Infrastrukturës,” shkruan Trump në postimin e tij.