Një ngjarje e rëndë ka ndodhur vetëm pak minuta më parë në aksin Fier-Lushnjë. 42 vjeçari nga Ardenica e Lushnjes ka humbur jetën si pasojë e një aksidenti. Mësohet se viktima është identifikuar me inicialet SH.B.
Policia bën me dije se, ai ka qenë duke udhëtuar me motoçikletë teksa ka humbur kontrollin dhe ka rënë në një kanal anësor. Personat kalimtarë e kanë ndihmuar dhe e kanë transportuar për në spitalin e Lushnjes. Mësohet se ai ka ndërruar jetën gjatë transportit për në spital.
Njoftimi i policisë
Sot rreth orës 13:30, në fshatin Kolonjë, Lushnje, shtetasi Sh.B, 42 vjeç, banues në Ardenicë, Lushnje, duke drejtuar një motoçikletë, ka humbur kontrollin dhe ka rënë në kanal e për pasojë ka ndërruar jetë rrugës për në Spitalin e Lushnjes.
Grupi hetimor po punon për zbardhjen e plotë të ngjarjes.
