Presidenti Ilir Meta ka shprehur ngushëllimet për ndarjen nga jeta të ish-kryetarit të Bashkisë së Përmetit, Dhimitër Nasit, pasi humbi betejën me COVID-19.
Meta shkruan se e ka pasur një nga miqtë e tij më të mirë, ndërsa Përmeti humbi një kryetar të devotshëm. E ndërsa shoqëria u nda nga një qytetar me cilësi të rralla dhe Shqipëria ka nga sot një intelektual të përkushtuar më pak në kohën kur ka më shumë nevojë për shembuj si i Dhimitrit.
Statusi
Dita sot nisi e trishtuar me lajmin e ndarjes nga jeta të Dhimitër Nasit, kryetarit të parë të Bashkisë së Përmetit pas triumfit të demokracisë në Shqipëri!
Ndihem i keqardhur për ndarjen, por dhe i nderuar që e pata nga miqtë më të mirë!
Familja Nasi humbi njeriun e shtrenjtë, Përmeti përcjell kryetarin e devotshëm, shoqëria u nda nga një qytetar me cilësi të rralla dhe Shqipëria ka nga sot një intelektual të përkushtuar më pak në kohën kur ka më shumë nevojë për shembuj si i Dhimitrit!
Ngushëllimet më të ndjera familjes, përmetarëve dhe miqve të tij kudo!
U prehtë në paqen e përjetshme shpirti i tij fisnik!
https://www.facebook.com/ilirmetazyrtar/posts/3282961455083438
