Një aksident me pasojë jetën ka ndodhur në aksin rural Ballejë-Krastë, ku një 30-vjeçar ka humbur kontrollin e mjetit duke dalë nga rruga. Drejtuesi i mjetit tip ‘Mitsubish’, Denis Gjoni, 30-vjeç, është viktima e radhës nga aksidentet rrugore, të cilat së fundmi janë në shifra alarmante. Lidhur me këtë aksident fatal, grupi hetimor ndodhet në vendngjarje për përcaktimin e shkaqeve të aksidentit.
Njoftimi i policisë:
Bulqizë/informacion paraprak
Me datë 29.06.2021, në orët e para të mëngjesit shtetasi D. GJ., 30 vjeç, banues Krastë Martanesh, duke drejtuar automjetin tip ‘Mitsubish’ në aksin rural Ballejë-Krastë ka humbur kontrollin e mjetit duke dalë nga rruga dhe për pasojë ka humbur jetën.
