Tre të rinjtë të cilët vranë dhe hodhën në rezervuar 50-vjeçaren nga Mallakastra, kanë dalë përpara gjykatës së Fierit për t’u njohur me dënimin.
Ndërkohë bëhet me dije se asnjë nga familjarët e të akuzuarve nuk ndodhen në gjykatë. Luis Saliaj, nipi i bashkëshortit të viktimës, Ervis Zotaj dhe Sindi Shehaj akuzohen për vrasjen e Drita Saliajt në banesën e saj.
Ata shkuan në banesën e saj për ta grabitur, ndërsa nipi i bashkëshortit të saj ka deklaruar se nuk e dinte që ajo ndodhej në shtëpi. Sipas deklaratave të tij, ata nuk kanë dashur ta vrasin por ‘janë detyruar’ pasi 50-vjeçarja e ka njohur dhe ka filluar të bërtasë.
Pas kryerjes së krimit, 3 djemtë e lidhën viktimën me litar dhe e hodhën trupin e saj në rezervuarin e Gjerbës.
