Kryeministri grek Aleksis Tsipras ka mbërritur në Maqedoninë e Veriut. Një vizitë historike kjo, pasi është e para e një kryeministri grek në Shkup, që vjen pas marrëveshjes mes shteteve për ndryshimin e emrit në Maqedoninë e Veriut.
Tsipras mbërriti mëngjesin e sotëm në aeroportin e Shkupit, ndërsa u prit nga homologu Zaev. Ky i fundit është shfaqur mjaft i ekzaltuar, teksa takimi mes tyre ka qenë mjaft i ngrohtë.
Madje, Zaev ka ndaluar me homologun grek për të shkrepur disa selfie.
Sipas agjendës, pas bisedimeve Zaev-Tsipras dhe takimit ndërqeveritar, dy kryeministrat do të mbajnë konferencë të përbashkët për shtyp.
Marrëveshja për emrin e ri “Republika e Maqedonisë së Veriut”, i hap rrugë anëtarësimit të vendit në NATO, teksa tashmë ka edhe një “po” nga Greqia.
