Historiani i njohur skocez, Niall Ferguson thekson se Britania e Madhe veproi në mënyrën e duhur kur vendosi të shkëputej nga Bashkimi Evropian. E gjitha kjo sipas tij, është rezultat i dy qëndrimeve të kundërta të i qytetarëve të BE-së dhe britanikëve, pasi të parët duan një Evropë federale, ndërsa të dytët as që e kanë dashur ndonjëherë.
“Unë kam qenë kundër Brexit një vit më parë, por më pas arrita në përfundimin se do të ishte më mirë si për BE-në, ashtu edhe Britaninë e Madhe për t’u ndarë nga njëra-tjetra, pasi ata duan një Evropë federale, të cilën ne se kemi dashur kurrë”, shpjegon historiani skocez.
Në një analizë të gjatë për “Boston Globe”, të titulluar “Domethënia e Dunkirkut”, Ferguson shprehet se Evropa është e gatshme të pranojë dominimin gjerman ndërsa Britania e Madhe nuk mund t’ia lejojë vetes një gjë të tillë. Megjithatë, sipas tij, Brexit do t’u kushtojë ishullorëve shumë më tepër nga sa mendohet.
“E thënë pa dorashka, ata janë të gatshëm të ruajnë dominimin gjerman, ndërsa ne jo. Dhe siç e thashë para referendumit, ky divorc do të na kushtojë shumë më tepër, dhe do të marrë shumë më tepër kohë, sesa pretendojnë mbështetësit e Brexit. Por tani nuk është koha për t’u rimenduar – ashtu si në majin e vitit 1940, nuk ishte koha për bisedimet e paqes”, shkruan Ferguson.
TIRANA TODAY
