Një shtetas rumun është deklaruar i vdekur nga gruaja, por pas disa vitesh ai është arrestuar në Turqi dhe është kthyer në Rumani. Por ai tashmë ka një problem të madh, pasi gjykata e ka shpallur të vdekur dhe nuk mund të pajiset më me asnjë dokument- shkruan Tirana Today.
Konstantin Reliu, 63 vjeç, nuk arrin të heqë certifikatën e vdekjes, sepse e ka apeluar shumë vonë. Në një rast ky që të kujton një roman të shkrimtarit Kafka, ku një gjykatë rumune ka vendosur se një 63 -jeçar është i vdekur pavarësisht se ekziston dëshmia që fakton të kundërtën: Njeriu i shpallur i humbur është shfaqur gjallë dhe më shëndet të plotë në gjykatë-shkruan Tirana Today.
Qytetari Constantin Reliu i kërkoi gjykatës në qytetin e Barladit të përmbysë certifikatën e vdekjes pasi gruaja e tij e kishte delaruar si të humbur, por jetoi për 10 vite në Turqi pa patur asnjë kontakt me familjen e tij.
Gjykata ka theksuar se për një kërkesë e tillë ishte tepër vonë, ndërsa shtetasi rumun do të vijojë të mbetet “zyrtarisht” i vdekur. “Unë jam zyrtarisht i vdekur, edhe pse unë jam shëndosh e mirë “, tha një Reliu i zhgënjyer për mediat lokale.
“Nuk kam të ardhura, pasi unë jam futur në listën e të vdekurve, nuk mund të bëj më asgjë”-shtoi ai.
Reliu u largua nga Rumania për në Turqi në vitin 1992, për të kërkuar punësim. Ai u kthye për herë të fundit në vend në vitin 1999, duke ndërprerë të gjitha kontaktet me familjen e tij. Pas shumë vitesh heshtje nga burri i saj i larguar, bashkëshortja e Reliut mori një certifikatë vdekjeje për të.
E përditshmja rumune “Adevarul” shkruan se gruaja e Reliut ka argumentuar në gjykatë se pasi s’kishte dëgjuar asgjë nga burri i saj që nga viti 1999, ajo kishte menduar se kishte vdekur në një tërmet, por bashkëshorti ishte në Turqi.
Gazeta shton se bashkëshorti Reliu beson se ajo kërkoi certifikatën e vdekjes në mënyrë që të anulojë martesën dhe ta lejojë atë të martohet përsëri. Ai mund të mos ketë gjetur kurrë “vdekjen” në atdheun e tij, nëse ai nuk do ishte kapur nga autoritetet turke, pasi i kishin mbaruar dokumentet dhe autoritetet e ekstraduam në Rumani. Reliu kishte planifikuar të ripërtërijë pasaportën e tij në Rumani dhe të kthehej sërish në Turqi, por ai u arrestua nga zyrtarët e emigracionit të cilët e njoftuan se ai kishte “vdekur” në vitin 2003.
Rumuni tha se dëshiron të kthehet sërish në Turqi pasi ka krijuar një kompani të vogël atje, por tani po ballafaqohet me një betejë ligjore për rimarrë dokumentet e identitetit e tij, veprim ky që do ta ndihmonte në marrjen e një pasaporte.
Një zëdhënëse e gjykatës shpjegoi për mediat lokale se Reliu ishte tepër vonë me kërkesën e tij kundër certifikatës së vdekjes, duke humbur kështu rastin për të rigjetur “jetën” e tij. Vendimi duket se është përfundimtar dhe nuk mund të ankohet kundër, duke e lënë Reliun në harresë të plotë ligjore. TIRANA TODAY
