Në Shqipëri, bandat kriminale arrijnë që të mbyllin dosjet në kohë reale. Kjo realizohet me anë të një telefonate. Pra, fuqia e këtyre bandave është e jashtëzakonshme. Këtë të dhënë tronditëse e ka përcjellë gazetari Trashgim Sokolaj, në emisionin “360 Gradë”, në “Ora News”.
“Në Shkodër, deri para pak javësh, policia nuk hynte dot dhe një nga zonat e grupit që u godit, me 11 persona të arrestuar. Ka informacione zyrtare që në Shkodër dhe qytete të tjera, kanë ndodhur ngjarje shumë të rënda.
Efektivat e policisë kanë shkuar në vendngjarje për t’i dokumentuar, ndërkohë që janë telefonuar shefat e tyre, dhe u kanë thënë do na i hiqni ata policët nga aty, apo do t’i merrni kufoma. Kjo është prapaskena ku fiken kamerat. Kjo është mbështetja politike që ka policia në përballje me krimin”.
