Në pritje të ditës së votimit, Kosova është në heshtje zgjedhore. Nesër kosovarët do të vendosin me anë të votës për përbërjen e re të Kuvendit.
KQZ ka gjithçka gati për mbajtjen e zgjedhjeve të parakohshme parlamentare, të cilat zhvillohen nesër më 11 qershor.
Sipas njoftimit të Komisionit Qendror të Zgjedhjeve, janë certifikuar 30 mijë vëzhgues dhe janë bërë gati të gjitha materialet e nevojshme.
Gjithashtu, edhe Policia e Kosovës ka hartuar planin operativ, ku një numër i konsiderueshëm i pjesëtarëve të PK-së pritet të angazhohen këtë të diele.
Ndërkohë edhe përfaqësuesit e rrjetit të organizatave Demokracia në Veprim, kanë thënë se pavarësisht afatit të shkurtër kanë arritur t’i kryejnë të gjitha përgatitjet operuese për vëzhgimin e procesit zgjedhor.
Në veri pritet të jetë i pranishëm edhe misioni i OSBE-së për të ofruar mbështetje teknike.
