Hervin Çuli ka konfirmuar gjatë prezantimit të kalendarit artistik të këtij sezoni, se Neritan Liçaj do jetë pjesë e përjetshme e Teatrit Kombëtar. Çuli tha se aktori është i përfshirë në 4 premierat e Teatrit Kombëtar, por Aleanca për Mbrojtjen e Teatrit pengon punonjësit të hyjnë në Teatër.
Drejtori i Teatrit Kombëtar, Hervin Çuli, mohon kategorikisht që të ketë një vendim për pushim nga puna të aktorit të njohur Neritan Liçaj, i cili është një nga zërat kritik për shembjen e Teatrit Kombëtar. Çuli deklaroi se Liçaj do të jetë përjetësisht në Teatër, por duke zbatuar rregullat e institucionit.
Aktori Neritan Liçaj e shikon si hakmarrje përpjekjen e qeverisë që atë ta shkarkojnë nga detyra, për faktin se ai është një nga zërat më kritikë dhe kundërshtues të shembjes së godinës së Teatrit Kombëtar.
Më herët ai ka thënë se pushimi i tij nga puna po përgatitet, dhe se qeveria ka nisur hakmarrjen ndaj artistëve.
