Në marsin e vitit 1993, shpërthimet në seri të 12 bombave tronditën qytetin e Mumbait në Indi, duke lënë pas 257 të vdekur dhe 713 të plagosur. Por bilanci i sulmeve terroriste, mund të ishte shumë më i rëndë, po të mos kishte qenë për një qen trim të quajtur Zanjeer, sipas një filmi të famshëm të Bollivudit.
Duke punuar për ditë të tëra me skuadrën e xhenios, qeni hero zbuloi mbi 3329 kg eksplozivë, 600 detonatorë, 249 granata dore dhe më shumë se 6000 municione aktive. Ai gjithashtu ndihmoi në parandalimin e shpërthimit të 3 bombave të tjera pak ditë pas shpërthimeve të para, duke shpëtuar kështu jetën e mijëra njerëzve të tjerë të pafajshëm. Zanjeer, i llojit Labrador, vdiq në nëntorin e vitit 2000, nga një tumor në kocka në moshën 8-vjeçare.
Për shkak të shërbimit të tij të devotshëm, ai u varros me një ceremoni të plotë shtetërore. Drejtuesit më të lartë të policisë dhe forcave special indiane, vendosën kurora me lule pranë trupit të pajetë të qenit guximtar, para se ai të varrosej. Historia e këtij heroi të vecantë, tregon se qentë ofrojnë më shumë sesa vetëm dashuri të pakushtëzuar. Ata luajnë shpesh një rol shumë të rëndësishëm në mbrojtjen e sigurisë së një vendi.
