Policia e Beratit ka goditur një rast të shpërndarjes së lendeve narkotike. Në pranga kanë rënë 3 të rinj shqiptarë. Në automjetin me të cilët lëviznin tre të rinjtë është gjetur 12 gramë e dyshuar lëndë narkotike e llojit Heroinë.
Njoftimi i policisë
Goditet një tjetër rast i shpërndarjes së lëndëve narkotike të forta.
Finalizohet operacioni i koduar “Trekëndëshi”
Arrestohen në flagrancë 3 shtetas që shpërndanin lëndë narkotike të llojit Heroinë.
Specialistët e Seksionit për Hetimin e Narkotikëve në DVP Berat, pas informacioneve të marra në rrugë operative bënë arrestimin në flagrancë të shtetasve:
- K. B, 22 vjeç, banues në Berat.
- A.P, 17 vjeç, banues në Berat.
- S.Q, 17 vjeç, banues në lagjen Çlirim, Berat.
Arrestimi i shtetasve të lartpërmendur u bë pasi gjatë kontrollit të automjetit me të cilin këta shtetas lëviznin u gjet dhe sekuestrua në cilësinë e provës materiale 12 gramë e dyshuar lëndë narkotike e llojit Heroinë.
Gjithashtu gjatë kontrollit fizik shtetasit K. B, iu gjet një sasi prej 0.5 gramë Heroinë.
Materialet i kaluan Prokurorisë së Rrethit Gjyqësor Berat për veprën penale “Prodhim dhe shitje të lëndëve narkotike, e kryer në bashkëpunim”, parashikuar nga neni 283/2 i Kodit Penal.
