Në shërbimin infektiv në QSUT, janë paraqitur çdo ditë persona të helmuar nga ushqimi. Sipas shefes së shërbimit infektiv, Najada Çomo, gjatë një prononcimi për “TCH”, u shpreh se temperaturat e larta bëhen shkak për të shkaktuar infeksione të traktit tretës dhe atij respirator.
Ndër të tjera, Çomo bën thirrje për larje sa më të shpeshtë të duarve, të atyre që frekuentojnë zonat turistike edhe për ata që qëndrojnë në shtëpi.
Po ashtu, sa u përket personave që në fundjavë i drejtohen detit me ushqime të marra nga shtëpia, mjekja shprehet se pavarësisht faktit që ushqimet gatuhen në kushte të mira, sipas saj, temperaturat e larta bëjnë që ato të shkaktojnë infeksion. Çomo këshillon edhe largimin nga ushqimet me shumë kalori.
