Ferit Lamaj, një nga fabulistët më të mirë në historinë e letrave shqipe, ka treguar më shumë mbi shkrimet e tij rreth satirës së Kadaresë. Sipas tij, është bashkëshortja e shkrimtarit ajo që ka më shumë satirë.
Fabulisti Ferit Lamaj i ftuar në “Good morning Albanians” në “Euronews Albania”, u shpreh se kur ka lexuar fillimisht librat e saj, nuk e ka ditur se ka qenë shkrimtare aq e madhe dhe i ka pëlqyer shumë.
“Aty në librat e tij do befasohet dhe Helena, sepse është futur dhe satira e Helenës”, tregoi fabulisti.
Lamaj shtoi se librat i ka lexuar që në adoleshencë, dhe ia ka pranuar vetë Ismail Kadaresë që asokohe nuk e kuptonte, ndaj i është rikthyer librave të shkrimtarit që i kanë lënë aq shumë mbresa për të bërë një analizë më të detajuar të tyre.
Helena Kadare gjithashtu e njohur edhe si Elena Kadare, është një autore novelash dhe romanesh. Eshtë një ndër të paktat shkrimtare romanciere shqiptare, në vitet e regjimit komunist.
Autore e shtatë vëllimeve, veprat e saj flasin per ënderrimet vajzërore, përjetimet e të qenit nënë e bashkëshorte. Gjithashtu eshtë një përkthyese cilësore e disa veprave të autorëve të njohur botërorë, kryesisht francezë. Helena eshte bashkëshortja e autorit të famshëm shqiptar, Ismail Kadare.
