Gjykata Administrative ka rrëzuar padinë e banorëve për të anuluar ndërtimin e HEC-eve në Valbonë. Gjykata e ka cilësuar të ligjshëm ndërtimin e HEC-eve në Valbonë.
Banorët e Tropojës kanë ngritur zërin nëpër media dhe rrjete sociale, për masakrën ekologjike që po përgatitet ndaj lumit të Valbonës. Banorët e dërguan çështjen në Gjykatën Kushtetuese e cila hodhi poshtë sot kërkesën e tyre.
Banorët kundërshtojnë një projekt i cili ka në bazë ndërtimin e 10 hidrocentrave, (11 bashkë me një hidrocentral ekzistues), përgjatë rrjedhës së lumit të Valbonës dhe kjo jo në të gjithë rrjedhën, por vetëm në 25 kilometrat e rrjedhës së epërme, rrjedhës së rrëmbyeshme të këtij lumi, deri sa zbret në fushë. Të ndërtohen 11 hidrocentrale në gjatësinë e 25 kilometrave, do të thotë dënim kapital për lumin e njohur në mbare viset shqiptare! Të gjithë jemi të vetëdijshëm se Lumi Valbona është si një Faltore e shenjtë e natyrës sonë të bekuar të Alpeve shqiptare. Lumi bashkë me Luginën e vet ku rrjedh është një nga të paktat vende që kanë mbetur pa u dëmtuar, duke mundur të ruajnë bio-diversitetin. Vazhdimisht ka pasur kërcënime nga individë , gjuetarë të paligjshëm, tregtare të vegjël lëndësh drusore, që kanë synuar të përfitojnë në kohëra rrëmujash. Por për fat deri më sot dëmtimet kanë qenë jo të mëdha. Sot kjo pritet të ndryshojë.
