E ardhmja e Eden Hazard sipas të gjitha gjasave do të jetë te Real Madrid. Tashmë duket se kanë mbetur për tu diskutuar vetëm disa detaje të vogla që të arrihet akordi përfundimtar.
Sipas asaj që raporton “The Sun”, Hazard do të arkëtojë 24 milionë euro neto në vit. Nga ana tjetër Chelsea do të fusë në arkat e veta plot 116 milionë euro.
Shifra faraonike këto për belgun, i cili është kërkuar me ngulm nga Reali për disa sezone. Në javë 28-vjeçari do të përfitojë 400 mijë sterlina. Këtë rrogë Reali ia ka mundësuar më përpara vetëm Ronaldos.
As Bale dhe as Ramos nuk marrin një rrogë të tillë. Uellsiani përfiton 15 milionë euro në sezon, ndërsa spanjolli 10.2.
