Deputetja e Lëvizjes Vetëvendosje, Fitore Pacolli ka thënë se presidentit Hashim Thaçi nuk duhet t’i lejohet kthimi në Kosovë.
Me anë të një postimi në rrjetin social “Facebook”, Pacolli thekson se “Thaçi dje në Austri na tregoj se më nuk kemi pse t’i konsultojmë miqtë ndërkombëtar sepse ai me mikun e tij Vuçiçin vendosin për të ardhmen e Kosovës dhe të ardhmen tonë. Thaçi i cili u bë President në Kuvendin e Kosovës të rrethuar me policë nuk përfaqëson interesat e popullit të Kosovës”.
“Prandaj, Thaçit duhet t’i ndalohet kthimi në Kosovë. Thaçi më nuk është President i Kosovës”, ka shkruar Pacolli.
