Shpesh jemi të prirur për të konsumuar pak makarona, pasi mendojmë se na shëndoshin. Madje, dieta e së dielës është ajo ku mund të mëkatosh, dhe të konsumosh makarona, të gatuara sipas shijes sonë. Por ja që paskemi gabuar, pasi dietologët nuk ndajnë të njëjtin qëndrim me ne.
Makaronat mund të konsumohen edhe në darkë, sidomos nëse jemi të stresuar, nëse vuajmë nga pagjumësia. Jo vetëm kaq, por nëse jemi në menopauzë apo nëse vuajmë nga sindroma pre menstruale.
Kjo sepse makaronat ndihmojnë në sintezën e serotoninës dhe melatoninës, duke bërë që të thithet më mirë triptofanin (aminoacid që përdoret për biosintezën e proteinave) dhe në këtë mënyrë ndihmon në relaksim dhe favorizon gjumin.
Vlen të theksohet se makaronat nuk duhet të jenë zier shumë. Ato duhet të jenë patjetër aldente, sepse janë më të shijshme dhe kanë nivel glicemik (sheqeri) të ulët.
