Kreu i Aleancës për Ardhmërinë e Kosovës, Ramush Haradinaj tha se kur nuk kishte dalë akoma aktakuza, i kishte prezantuar Hashim Thaçit dhe Kadri Veseli kandidaturën e tij për President.
Në një intervistë për mediat kosovare, ai është shprehur mes tyre ka patur një pranim të kandidaturës së tij, dhe se kanë qenë shumë afër mbylljes së procesit. Më tej, ai shtoi se ditën që Veseli udhëtoi në Hagë kishin një takim por që nuk u realizua dot.
Ai gjithashtu tha se pika e vetme që ngec kanditatura e tij është PDK-ja, pasi nuk dëshiron që të arrijnë në një marrëveshje.
“Edhe atyre (Thaçit e Veselit), ua kam prezantuar kandidaturën time. Ne kemi pasur një përafrim në momentet e fundit. Realisht ka pasur një përafrim të madh. Realisht kemi qenë afër mbylljes së procesit. Në ditën që udhëtoi Kadri Veseli kemi paraparë edhe një takim, por që nuk u realizua. Edhe partnerët qeveritarë nuk e kanë vështirë me ma dhanë votën për president. Çështja është se si të arrihet edhe një marrëveshje me PDK-në”, tha Haradinaj.
