Kryeministri i Kosovës, Ramush Haradinaj do të mbërrijë në Bruksel më 17 nëntor për një vizitë zyrtare.
Zëdhënësi i Qeverisë së Kosovës, Arbër Vllahiu, ka zbuluar detaje mbi këtë vizitë, duke treguar agjendën e Haradinajt.
Mësohet se gjatë takimeve që Haradinaj do të zhvillojë në Bruksel, nuk do të diskutoeht cështja e Demarkacionit, pasi ajo nuk është në agjendë.
“Çështja e demarkacionit nuk është pjesë e agjendës, përveç faktit që çështja e demarkacionit mund të diskutohet brenda takimeve bilaterale që do të zhvillohen gjatë ditës së premte me kryeministrin dhe zyrtarët e lartë evropian të BE-së”, ka thënë Vllahiu.
Ky i fundit tregoi se në takimet e Haradinajt në Bruksel do të diskutohet kryesisht për zbatimin e Marrëveshjes së Stabilizim Asocimit (MSA).
Zëdhënësi i Qeverisë ka thënë se pjesë e agjendës së Këshillit të Stabilizim Asocimit është kryesisht rruga e Kosovës drejt Bashkimit Evropian, posaçërisht reformat në vend dhe prioritetet, nëse janë zbatuar ose jo.
