Kryeministri i Kosovës, Ramush Haradinaj duket se po luan kartën e fundit, duke i vënë kushte Brukselit. Haradinaj deklaroi se ekziston mundësia e thyerjes së dialogut me Serbinë, nëse çështja e liberalizimit të vizave për Kosovën nuk është në agjendë në dhjetor.
Mediat serbe raportojnë se sipas Haradinajt dhe zëvendësit të tij Hoxhaj, nuk është e drejtë që Brukseli të shtyjë Kosovën për dialog, ndërsa në të njëjtën kohë nuk merr vendim për liberalizimin e vizave.
Por, nuk dihet se sa i realizueshëm është ky plan i qeverisë kosovare, teksa disa zyrtarë të BE-së kanë paralajmëruar në muajt e fundit se Kosova ende nuk i ka plotësuar të gjitha kriteret për liberalizimin e vizave.
Në shtator, Parlamenti Evropian mbështeti me 420 vota hapjen e negociatave për liberalizimin e vizave për qytetarët e Kosovës.
