Kryeministri i Kosovës, Ramush Haradinaj ka komentuar çështjen e pajisjes së shtetasve kosovarë me pasaporta shqiptare.
Sipas Haradinaj, nuk ka asgjë të keqe që të merret pasaporta e Shqipërisë, por nuk është kjo zgjidhja, pasi e vetmja mënyrë për ta marr liberalizimin është të kryhen “punët e shtëpisë”.
Haradinaj tha se qytetarët e Kosovës mund ta marrin liberalizimin edhe nëse nuk finalizohet demarkacioni, por kriter kryesor është të plotësohet detyrat e shtëpisë.
“Ne mund të marrim liberalizimin dhe BE-ja mund të na e japë liberalizimin qoftë edhe nëse nuk është finalizu çështja e demarkacionit po është një proces të respektum, por nëse i kryejmë punët e shtëpisë. Pra kryesorja është reforma, MSA-ja, detyrat që i kemi në qeverisje, ajo është elementi”, tha Haradinaj.
