Rusia ka treguar se e ka përgatitur në mënyrën më të mirë Botëroirin, duke shkatërruar në ndeshjen hapëse Arabinë Saudite me rezultatin e thellë 5-0. Një ndeshje e dominuar totalisht nga rusët të cilët treguan se dinë të luajnë një futboll të bukur dhe bindës. Teksa pritej një ndeshje e mërzitshme dhe pa shumë histori, rusët kanë befasuar me lojën e tyre duke shënuar plot tre gola në ndeshjen e parë të botërorit.
Arabia Saudite tregoi se nuk është e denjë për një kompeticion të tillë, pasi u dorëzua shumë shpejt dhe binte në sy kualiteti i dobët që kishte në ekip. Prandaj kjo nuk do të merret si një provë e vërtetë për Rusinë e cila mund ti ketë ngritur pretendimet pas kësaj ndeshje.
Arabët nuk shfaqën asgjë, si në prapavijë, ku u zhbllokuan lehtësisht nga mikpritësit, ashtu edhe në sulm, ku nuk kanë rrezikuar asnjëherë portën e Akinfeev. Ishte Gazinskiy ai që ka shënuar golin e parë të botërorit në minutën e 12’.
Pak përpara se të përfundonte pjesa e parë Cheryshev dyfishon rezultatin pas një aksioni të bukur të vendasve.
Edhe pjesa e dytë është kontrolluar nga rusët, të cilët shfrytëzuan më së miri kundërsulmet e tyre dhe në të 71’ vulosën fitoren falë Dzyuba. Një fitore e rëndësishme për vendasit, të cilët tani me një fitore tjetër do të sigurojnë kalimin në fazën tjetër.
Në fund të takimit ishin super golat e Cheryshev dhe Golovin që kanë kënaqur të pranishmit në stadium. Ndërsa Arabia, mund të jetë ekipi i parë që do të sigurojë largimin nga Rusia, imagjinoni se çfarë mund t’i bëjë Suarez me Cavani këtij ekipi.
