Kryeministri Edi Rama ditën e djeshme deklaroi se duke filluar nga data 10 Qershor plazhet do të hapen për të gjithë qytetarët.
Ndërkohë mjeku infeksionist Pëllumb Pipero ka disa këshilla për të dhënë lidhur me hapjen e këtij sektori.
“Unë do të këshilloja të gjithë resortet, baret, restorantet, të respektojnë protokollet, por edhe qytetarët duhet të kenë kujdes. Në këtë fazë të hapjes qytetarët duhet të shmangin grumbullimet.
Virusi nuk transmetohet nëpërmjet ujit. Duhet të jemi të sigurt që frekuentimi i plazheve apo pishinave duke respektuar protokollet kur jemi në lokale apo në çadra, nuk na ekspozon ndaj virusit.
Kam këshilluar që sa më shpejt të mundësohet frekuentimi i plazheve apo pishinave shumë më mirë do të ishte për vendin tonë.
Ekspozimi në diell ndihmon në përfitimin e vitaminës D. Unë këshilloj distancën fizike dhe përdorimin e maskave”, u shpreh Pipero në një intervistë për “ABC News”.
