Pasi ambasadorja e BE-së në vendin tonë dorëzoi rekomandimin pozitiv të Komisionit Evropian për çeljen e negociatave për anëtarësim të Shqipërisë, kryeministrit Edi Rama mbajti menjëherë një konferencë për shtyp. Në fjalën e tij Rama thotë se vendi ynë u ngjit një shkallë më lart. Kryeministri deklaroi se këto nuk janë dhurata dhe as gjeste bujarie. Rama theksoi se Evropa nuk bën dhurata, duke shtuar se Brukseli sheh dhe njeh vetëm meritën
Rama: Sot kemi kaluar sprovën historike të ngjitjes në një shkallë të re. Jemi rekomanduar si një shtet që duhet të ulet në tryezën e negociatave për tu anëtarësuar në BE. Ia dolëm këtij provimi të vështirë. Është e qartë për të gjithë së rruga është e gjitha e hapur përpara nesh. Stacioni i radhës është anëtarësimi, dhe shpejtësia e arritjes në atë stacion varet nga ne.
Respekt dhe mirënjohje për të gjithë ata që dhanë një dorë për hapjen e rrugës drejt BE-së. Përmes reformave të guximshme ia kemi dalë.
Jam kemi dal që në katër vjet të kthejmë besimin e popullit tek ne, arritëm që të marrim këtë status.
Këto nuk janë dhurata dhe as gjeste bujarie, Evropa nuk bën dhurata, Brukseli sheh dhe njeh vetëm meritën.
Është njohja e meritave tonë për të bërë shtet me reforma reale.
Rekomandimi për çeljen e negociatave, nuk është fundi i betejave me krimin dhe korrupsionin, dhe futemi në një fazë më të thellë të reformave.
Në vitin e parë bëmë të mundur vendosjen e Shqipërisë si një vend kandidat, dhe ne vitin e dytë të qeverisjes bëmë të mundur hapjen e negociatave.
Dora e jonë është serish e shtrirë ndaj opozitës, që të mos ngatërrojmë politikën dhe përplasjen e brendshme me sfidën e Shqipërisë për anëtarësimin në BE”, u shpreh kryeministri Rama.
