Procesi i liberalizimit të vizave në Kosovë po vazhdon që të ‘zvarritet’ ende nga politikanët kosovarë. Duke mos arritur kështu që t’i realizojnë edhe dy kushtet e mbetura që janë ratifikimi i Demarkacionit me Malin e Zi dhe lufta kundër korrupsionit.
Profesori i çështjeve evropiane, Avni Mazreku thotë se aktualisht procesi i liberalizimit të vizave është i bllokuar. Ai tregon edhe hapat që duhet kaluar drejt finalizimit të këtij procesi.
Mazreku ka thënë se ekziston një procedurë e caktuar se si funksionon dhe si merret ky vendim. Andaj, për ta bërë të qartë për qytetarët vendimi për liberalizimin e vizave merret si i tillë:
“Komisioni Evropian është organi supernacional i Bashkimit Evropian që rekomandon për një plan të caktuar nëse duhet të liberalizohen vizat apo jo të liberalizohen vizat. Një raport i këtillë i këtij organi të komisionit Evropian ka ndodhë në maj të vitit 2016. Ku me këtë raport ka pasur të ngjashëm kushte për liberalizmin e vizave, përveç dy kushteve që kanë pasur të bëjnë siç janë, Demarkacioni i kufirit me Malin e Zi dhe lufta efektive kundër krimit të organizuar të korrupsionit.
Ndërsa, pavarësisht kësaj, procedura për liberalizimin e vizave shkon:
“Përcillet në Parlament në komisionin e perspektivit të parlamentit evropian, pasi të kalohet kjo procedurë, atëherë vazhdohet në organin tjetër që quhet, këshilli i Bashkimit Evropian përkatësisht konfiguracioni i Ministrave të Brendshëm. Ky organ vendos sipas sistemit të shumicës së kualifikuar. Normalisht në këtë moment kërkohet qëndrimi i shteteve të jetë konstruktiv përkatësisht të jetë pozitiv. Në fund varet nga shtetet qëndrimi i tyre në këtë organ të këshillit të Bashkimit Evropian”, është shprehur Mazreku, raporton IndeksiOnline.
Më tej, ai ka thënë se e vetmja mënyrë që të zhbllokohet procesi i liberalizmit të vizave është që sa më shpejtë të kryhen kushtet ndërkombëtare.
“Zgjedhjet parlamentare në Kosovë e aplikojnë vetëm në koncept të kohës këtë raport, se Kosova i ka edhe dy kushte të tjera të pa plotësuara e këto kushte për Kosovën normalisht që kanë mbetur pezull e njëra nga këto kërkon ratifikimin e parlamentit të Kosovës. Prandaj sa më shpejt që konstituohet parlamenti, sa më shpejt të ratifikohet marrëveshja për kufirin me Malin e Zi aq shpejt edhe procedohet më tutje, por kjo nuk do të thotë që vendimi merret menjëherë për liberalizmin e vizave por çështja zhbllokohet sepse aktualisht procesi i liberalizimit të vizave është i bllokuar”, ka thënë Mazreku.
Ndërkaq, se sa mund të ketë vonesa për liberalizimin e vizave, Mazreku tregon se krejt kjo varet nga veprimi i të dy shteteve.
