Teksa Spitali Rajonal i Fierit do hapë dyert për pak ditë, 424 aplikantë kanë shprehur interesin për të punuar në këtë spital.
Lajmin e ka bërë të ditur kryeministri Edi Rama, i cili u shpreh se spitali do të përbëhet nga një super ekip turko-shqiptar.
Ndër të tjera, Rama tha se Spitali Rajonal i Fierit, do të jetë edhe i pari shembull i Autonomisë Spitalore.
”424 APLIKANTË për Spitalin e Ri Rajonal të Fierit, që hap dyert për pak ditë, me një super ekip turko-shqiptar, një qendër jo vetëm shërbimesh ekselence shëndetësore, po edhe transferimi teknologjie e dijesh, e cila do të jetë edhe i pari shembull i Autonomisë Spitalore që do ta shtrijmë në krejt vendin gjatë Mandatit të Tretë’’, shkruan Rama në rrjetin social, Facebook.
