Dëshmi të reja të personave që vuajtën në ish Kampin e Internimit në Tepelenë, hodhën dritë mbi krimet e komunizmit në Shqipëri.
Familjarët shpresojnë se informacionet më të fundit nga banorët e kësaj zone, do të ndihmojnë në gjetjen e varreve për dhjetëra të zhdukur.
Kampi i Tepelenës ishte nga më famëkeqët e diktaturës komuniste, ku humbën jetën mbi 500 persona, mes të cilëve 300 fëmijë.
Zëri i Amerikës ndoqi aktivitetet në Tepelenë, që u zhvilluan edhe në kuadër të Ditës Ndërkombëtare të Viktimave të Stalinizmit dhe Nazizmit.
