Zyrtarët dhe parlamentarët rusë janë paralajmëruar që të mos bëjnë udhëtime turistike në vendet që i janë bashkuar sanksioneve kundër Federatës Ruse.
Kështu një ndër vendet që i është bashkuar sanksioneve kundër Rusisë është edhe vendi ynë, Në këtë mënyrë mund të themi se Moska zyrtare ka nisur fushatën e saj kundër turizmit në vendin tonë.
Në një shkrim të publikuar nga mediat ruse, bëhet e ditur se të gjithë zyrtarët dhe nëpunësit rusë të mos mendojnë të shkojnë për pushime në vendet që u rreshtuan kundër Rusisë, pas kërkesës së bërë nga Anglia dhe që u pasua me largimin e diplomateve të saj.
Me iniciativën për të futur një ndalim të tillë për nëpunësit civilë, ata iu drejtuan shoqatës së sipërmarrësve dhe për ketë është njoftuar kreu i organizatës Rahman Yansukov.
“Shumë nëpunës civilë tashmë planifikojnë një pushim veror, duke përfshirë edhe jashtë vendit. Është e nevojshme që menjëherë të shqyrtohen ndryshimet e propozuara “, thekson folësi i Dumës së Shtetit dhe Këshilli i Federatës.
“Zyrtarët duhet të jenë një model për sjelljen e të gjithë qytetarëve – si në jetën profesionale ashtu edhe në jetën personale. Kjo është arsyeja pse është e papranueshme kur kalojnë pushimet e tyre në vende që vendosin sanksione kundër Rusisë”, tha z. Yansukov.
Ne shtojmë se aktualisht në këtë listë janë destinacione turistike të njohura si Bullgaria, Mali i Zi, si dhe Shqipëria, Zvicra, Franca, Gjermania, Britania e Madhe, Estonia dhe Letonia.
Sipas përfaqësuesve të shoqatës, zyrtarët duhet të shkarkohen për shkelje të normës së propozuar.
Në të njëjtën kohë, mundësia e miratimit të amendamenteve të tilla në nivel legjislativ është minimal. Siç vërehet nga avokatët, një ndalim i tillë është në kundërshtim me nenin e Kushtetutës RF për lirinë e lëvizjes.
Kjo, megjithatë, do të ketë një efekt të parëndësishëm në trafikun turistik në masë përgjatë destinacioneve më të njohura.
Në këtë drejtim, është e përshtatshme të kujtojmë deklaratën e fundit të Mikhail Degtyarev, i cili mbikëqyr turizmin në Dumën e Shtetit.
Burimi: Tourdom.ru
