Hakmarrja? Salah zbulon çfarë i tha Mourinho pas rikthimit

Mohamed Salah është njeriu më në zë në futboll, pas një sezoni fantastik që ka zhvilluar tek Liverpool. Ai është shpallur “Lojtari i Sezonit” dhe ka qenë lojtari kryesorë në rrugën e Liverpool drejt finales së Champions League. Por interesante mbetet arsyeja pse Salah vendosi të kthehet në Premier League, kjo lidhet me zhgënjimin që kishte nga ekipi i Chelsea të cilët nuk i besuan dhe kjo është një formë hakmarrje.Salah ka zbuluar gjënë e parë që ia ka thënë Jose Mourinhos pas rikthimit të tij në Premierligë, ku iu bashkua Liverpoolit. Ylli egjiptian kishte nënshkruar për Chelsean në vitin 2014 kur kjo skuadër drejtohej nga Jose Mourinho, para se të dërgohej dy herë në huazim në Itali te Fiorentina dhe Roma.Salah pastaj kompletoi transferimin te Roma, për t’u rikthyer në Angli te Liverpool, ku po kalon sezonin më të mirë në karrierën e tij. Për formën e mirë të Liverpool, ai është përgëzuar edhe nga Jose Mourinho, i cili pak ditë më parë ka thënë se ai nuk vendosi për largimin e Salah nga Chelsea.“E kam takuar atë dy herë, në Anfield (Liverpool – Manchester United) dhe në ndeshjen tjetër në Mançester. Ai më tha mua se ishte i lumtur me atë që po bëja. Unë e falënderova. Nuk folëm shumë, unë vetëm e përshëndeta dhe ai më foli duke thënë se është i lumtur për mua”, ka deklaruar Salah.