Vrasja e gjeneralit iranian Qassem Soleimani ka sjellë në vëmendje konfliktet e mundshme që priten të hapen. Një prej tyre lidhet me furnizimet globale me naftë, si pasojë e konfliktit në Lindjen e Mesme.
Teherani ka premtuar të hakmerret ndaj sulmit dhe mendohet ta bëjnë nëpërmjet Ngushticës së Hormuzit, në brigjet jugore të Iranit.
Kanali, i cili është vetëm 21 milje i gjerë në pikën e tij më të ngushtë, është mënyra e vetme për të transferuar naftë nga Gjiri Persik në oqeanet e botës. Ndaj ngushtica e Hormuzit, e cila lidh Gjirin e Omanit dhe Gjirin Persik, është pika më e rëndësishme në botë.
Sasia e naftës që kalon përmes kanalit është shumë e madhe, afro 80% e naftës së papërpunuar ka për destinacion Azinë. Madje sasia e naftës që kalon në ngushticën e Hormuzit është afërsisht dyfishi i gjithë prodhimit të naftës në Shtetet e Bashkuara.
Midis fillimit të vitit 2018-të dhe qershorit të vitit të kaluar nëpërmjet ngushticës Hormuz kanë kaluar rreth 22.5 milion fuçi naftë në ditë. Kjo është afërsisht 24% e prodhimit të përditshëm global të naftës gjatë asaj periudhe, dhe gati 30% e naftës që lëviz në oqeanet e botës.
Sipas analistëve reagimi i Iranit ndaj vrasjes se Soleimanit ka të ngjarë të përfshijë përpjekje për të prishur pikërisht transportin në Gjirin Persik. Dhe nëse kjo do të ndodhë do të jetë një goditje e madhe për ekonominë e botës. Pasi kjo e fundit nuk mund të funksionojë pa ato furnizime./ Burimi: CNN Përshtati: TIRANA TODAY
