Hakerat që kanë sulmuar institucionet shqiptare, kanë nxjerrë në shitje të dhënat e serverëve që ata disponojnë. Me anë të një postimi në rrjetet sociale ata ofrojnë 800 GB të dhëna për 900 dollarë. Kujtojmë që gjatë muajit korrik, hakerat sulmuan administratën dhe ministritë, duke bërë publike komunikimet përmes e-maileve.
Pasi Shqipëria shpalli zyrtarisht prishjen e marrëdhënieve diplomatike, Irani ndërmori sulmin kibernetik ndaj sistemit TIMS në vendin tonë.
Ky është sulmi i dytë kibernetik që Irani bën ndaj Shqipërisë. Herën e parë, në korrik goditi shërbimet online. Marrë shkas nga “provat e pakundërshtueshme”, siç vetë Rama e bëri të ditur, Shqipëria mori vendimin për të prishur marrëdhëniet diplomatike.
