Deputetja e Partisë Demokratike, Rudina Hajdari ka shkelur vendimin e grupit parlamentar të PD-së, teksa i është bashkuar sot seancës plenare.
Hajdari ka marrë fjalën në foltoren e Kuvendit, ku akuzoi të gjithë politikanët që kishin folur para saj se janë kryehajdutë dhe se rrinë vetëm nëpër kafe, pasi vendi nuk iu intereson aspak.
“Bravo studentëve për protestën dhe qëndresën. Kam ardhur këtu sot për një arsye të vetme: Nuk kam ardhur për të marrë një llokmë të studenteve, jam për t’i mbështetur. Kushdo që foli këtu më parë ju them se jeni kryehajdutë që nuk e doni këtë vend dhe nuk e keni dashur ndonjëherë. Ju bëni sikur ju intereson ky vend, por rrini vetëm nëpër kafe, nëse e doni këtë vend sillni Kodin Zgjedhor.
Atëherë kemi për ta ndryshuar këtë parlament dhe këtë kastë politike. Ky pra është ndryshimi. Nëse e doni këtë vend mendoni për këtë vend dhe mos na bëni show politik. Ky vend është i ngopur me ju. Studentët janë të lodhur nga të gjithë politikanët dhe kanë humbur besimin te ju.”
