Ditët e fundit, ka pasur një ‘’përplasje’’ midis ambasadores së SHBA-ve në vendin tonë, Yuri Kim dhe kryeministrit Edi Rama, në lidhje me kandidatët për deputetë për 25 prillit.
Kim u bëri apel liderëve të forcave politike, që të mos vendosin në lista, njerëz me të shkuar kriminale, teksa kreu i qeverisë u përgjigj se partitë nuk janë polici që të bëjnë vetting.
Në lidhje me këtë çështje, konstitucionalisti Shkëlqim Hajdari, deklaroi se partitë politike rrisin pjesëmarrjen e popullit në votime, nëse përfshijnë në listat e kandidatëve, njerëz të ndershëm dhe profesionistë.
I ftuar në rubrikën ”Opinion’’, në ‘’News 24’’, Hajdari u shpreh se më parë në parlament janë promovuar njerëz të krimit, dhe se Shqipëria nuk ka nevojë për të tilla eksperimente.
Sipas tij, nëse një parti do ketë në lista persona të inkriminuar, do e ketë të vështirë për të marrë një rezultat të mirë në zgjedhjet e 25 prillit.
Shkëlqim Hajdari: ”Partitë politike, përfshirë PD, PS dhe partitëe vogla, duhet të kuptojnë se nëse duan që të rrisin pjesëmarrjen e popullit në votime, duhet të përfshijnë në listat e kandidatëve, njerëz të pastër, të ndershëm dhe profesionistë, dhe dinë ta bëjnë punën dhe të jetë një ëndërr e largët historia që ne kemi promovuar në parlament njerëz me rekorde kriminale, njerëz pa vlera. Ligji i dekriminalizimit i penalizon shumë rëndë individët që do guxojnë dhe qysh në lista do të pësojnë tërheqje nëse do të kenë në listat e tyre njerëz që i kap ligji i dekriminalizimit.
Shpresojmë që të ketë vullnet nga kryetarët e partive, që të zgjedhurit e tyre të perfaqësojnë vlera. Ne për këtë kemi nevojë. Larg duart nga këta njerëz të krimit. Është për t’u falendetuar ambasadorja e Shteteve të Bashkuara të Amerikës, por edhe ambasadorët e tjerë, që i bëjnë thirrje klasës politike për të qënduar larg njerëve te krimit. Nesë nje parti do fusë në lista njerez te inkimiunar, do e ketë të vështirë që të arrijë rezultat të mirë në zgjedhje.”
