Rrethi familjar i gjyqtarëve dhe prokurorëve duket se ka pasur një bujari për tu pasur zili pas viteve 90 në Shqipëri. Miqtë, kunatat, kunetërit, bashkëjetueset, motrat, vëllezërit, vjehrri, vjehrra, prindërit, kushërinjtë janë në listën e atyre që kanë falur para ose pasuri. Gjyqtarët kanë dekalruar se janë ata që kanë dhënë hua për blerje pronash nga njerëzit e drejtësisë.
Ne seancat vetting që po zhvillohen nga Komisioni i Pavarur i Kualifikimit (KPK) vihet re se shumë prej subjekteve që po kontrollohen, një pjesë të mirë të pasurive të tyre e kanë të dhuruar, madje në shuma të konsiderueshme.
Por kjo gjë nuk e ka bindur trupin gjykues dhe në shumicën e rasteve këta gjyqtarët dhe prokurorët janë ndëshkuar duke u larguar nga sistemi.
Rasti më i fundit ishte ai i dy gjyqtarëve të Korçës Sotiraq Lubonja dhe kryetares së gjykatës së Apelit te ketij qyteti Entela Prifti, të cilët nuk e kaluan testin e parë.
https://tiranatoday.com/vile-dyqane-dhe-apartamente-vetingu-zbardh-pasurine-e-kreut-te-apelit-korce-entela-prifti/
Gjyqtarët dhe prokurorët nuk justifikojnë dot pasurinë
Pavarësisht raportit që referon Inspektoriati i Lartë i Deklarimit dhe Kontrollit të Pasurive si dhe përgjigjeve që japin bankat, shoqëritë e ndryshme dhe institucionet shtetërore, borxhlinjtë dhe dhuruesit e njerëzve të drejtësisë japin sqarim në komision dhe madje duhet të provojnë me dokumentacion edhe aftesite e tyre për keto dhurata.
Por në 25 të shkarkuarit e veting deri tani keto dhurata që nisin që nga paratë kesh e deri te metra katrorë toka apo banesa duket se ka qënë një nga hendeqet qe nuk po kapërcehet dot.
Kjo praktikë hetimi do të ndiqet për të gjithë gjyqtarët dhe prokurorët, të cilët do t’i nënshtrohen procesit të Vetting-ut sipas përparësisë së përcaktuar nga ligji dhe shortit të hedhur nga Komisioni i Pavarur i Kualifikimit.
Ndërkohë ka dhe shumë të tjerë që priten kalojnë në rrjetën e vettingut. Ashtu si thotë populli deri sa te shkojë drejtësia tek ata, gjyqtarët e prokurorët jo të ndershëm do kenë mundësi që të fshehin pasurinë. Ata do kamuflojnë dhe do të bëjnë të ligjshme të gjithë pasurinë e pandershme që kanë marrë deri tani
