Edhe pse njihet si rivali më i madh i Ronaldos, ky i fundit ka habitur në një deklaratë të dhënë për FoxSports, lidhur me Lionel Messin.
“Nuk jam mik i Messit, por jemi kolegë. Kemi ndarë shumë momente bashkë këto 10 vitet e fundit dhe kam një marrëdhënie të mirë me të. Nuk është se dalim të hamë apo të pimë diçka bashkë, por e respektoj shumë. Është një koleg në profesion, jo një rival,” tha portugezi.
Ronaldo shtoi gjithashtu se i pëlqen shumë ta shohë Messin kur luan, ashtu siç i pëlqen të shohë të gjithë lojtarët e tjerë të mëdhenj:
“Më pëlqen shumë ta shoh kur luan, siç më pëlqejnë të gjithë lojtarët e mëdhenj dhe ai është një prej tyre. Si mos të më pëlqejë dikush që nuk i bën keq askujt”, tha Cristiano Ronaldo.
