Kreu i LZHK-së, Dashamir Shehi u është përgjigjur deklaratave ironizuese të kryeministrit Rama, bërë një javë më parë në Kuvend.
Gjatë fjalës së tij në foltore, Shehi i ka dhënë përgjigje deklaratave ironizuese të kryeministrit teksa tha se “nuk fëlliqet fare pse ha plonca dhe groshë dhe sipas tij mjafton që t’i shërbejë vendit”.
“Ne të Tironës hamë plonca dhe groshë, por ai ha si aristokratët. Le të thotë se unë ha groshë dhe plonca. Nuk fëlliqem fare dhe mjafton që unë t’i shërbej vendit. Këto janë këlyshët e komunizmit dhe duan ta shesin Shqipërinë për interesat e tyre. Nëse këtu bëjmë batuta me plonca dhe raki, ai është nxënësi im dhe une e lë 200 vite pas, por nuk duhet të merremi me këtë punë. Nuk jemi shteti i karagjozëve. Unë i bëj shërbim vendit tim, ju flisni sa të doni për punën e stomakut”, tha kreu i LZHK.
Por, çfarë tha Rama një javë më parë për Shehin? Kryeministri nuk përmendi emra, por iu referua Shehit teksa tha se:
Dëgjova njërin nga ju që doli në një kazan dhe tha s’duam ne investime turke, ai kur gdhihet ha pilaf e pi raki e fillon drekën me plënc e në aksham groshë fshin buzët me peshqir dhe thotë ne jemi pro europianë. Pilaf, groshë dhe frikë nga ajo që po ju vjen s’keni faj.