Gjermania dështoi në kampionatin Botëror të Rusisë dhe për pasojë pati një përplasje të ashpër mes Mesut Ozil dhe drejtuesve të Federatës Gjermane të Futbollit. Mesfushori turko-gjerman vendosi që të largohet nga kombëtarja dhe lëshoi një lum akuzash për drejtuesit ku më e rënda ishte ajo për racizëm.
Edhe Ilkay Gundogan ishte nën shënjestër nga tifozët dhe personalitet e larta në Gjermani për atë foto me Presidentin e Turqisë, Recep Erdogan, por ai e sqaroi situatën me një deklaratë për mediat. Ndërsa tashmë ai shprehet mjaft i mërzitur me largimin e Ozil nga kombëtarja dhe mbështet atë në deklaratat për “racizëm.
“A ishte ndikuar Ozil nga ofendimet raciste? Më thoni ju?! A nuk është raciste kur politikanët gjerman shkruajnë për këtë në facebook: 25 gjerman dhe dy q….të dhive?”, shprehet lojtari i Manchester City për Funke Sport.
“Kjo është ajo që ne e quajmë racizëm. Pavarësisht kësaj kjo nuk do të thotë që të gjithë njerëzit në Gjermani janë racistë, jo aspak. Në jetën time kam përvoja shumë të mira në Gjermani. Dua ta them shumë të qartë këtë. Por, ka njerëz të cilët politikisht e kanë përdorur këtë foto për veten e tyre. Në këtë kontekst, kufijtë e racizmit pjesërisht u tejkaluan”.
“Në aspektin sportiv, mendoj se është keq që Mesut është larguar. Ai ka bërë shumë për futbollin gjerman. Është humbje për këtë skuadër. Mesut ka bërë shumë dhe ka ndikuar edhe në personalitetin tim. Ai ishte një prej arsyeve pse unë luajta për Gjermaninë. Normale që ndihem i mërzitur!”. Gundogan dhe Ozil, të cilët kanë prejardhje turke dhe u kritikuan për shkak të një fotografie me presidentin e Turqisë, Recep Erdogan.
